Saturday, 01 November 2014
12 Dia di Pasco ta e campaña mas generoso y fabuloso di momento Print E-mail
Thursday, 20 December 2012 18:23

 MG 5131 (Copy)

Diaranson y diahuebs representante di Lotto, Damaris Ridderstap a haci un radio tour y a splica e ultimo desaroyonan di e diferente jackpotnan di Lotto, pero particularmente el a contesta e preguntanan tocante e campaña fabuloso "12 Dia di Pasco". Tur hende ta gusta scucha tocante sorteonan gratis y premionan fabuloso di Lotto! P'esey mes tabatin un ambiente masha "jolly" den esfera di celebracion di Pasco durante Damaris su bishitanan na Cool FM, Hit 94, Magic FM, Radio Latina y Caliente FM. Damaris Ridderstap a splica con e premionan ta keda acumula for di e prome dia te cu e di 12 Dia di Pasco, cual ta dialuna, dia 24 di december. Durante e campaña aki Lotto ta regalando hungadonan participacion GRATIS na un sorteo special, cual tin un total di Afl. 50,000 na premio. Pa 12 dia largo, tur dia Lotto ta regalando cumpradonan di Tic Tac Toe, Lotto di Dia, Lotto 5 y Mini Mega e oportunidad pa gana un "regalito" di Pasco. E regalonan ta varia entre ticket pa Cinema te cu un giftcard di CMB di Afl 5.000! Ademas, e ganado di e premio di dia ta ricibi premionan acumula, pues e ganado ta gana su premio di dia "+" e premio di TUR e dianan anterior. E unico rekisito pa participa ta cu e hungado mester pone dos number di e mesun wega ariba e mesun ticket. Esaki kiermen cu e hungado di Lotto mester cumpra y pone dos Tic Tac Toe of dos Lotto di Dia of dos Lotto 5 of dos Mini Mega ariba e mesun ticket. Naturalmente, bo por cumpra mas cu dos number tambe y asina haci bo chance di bira ganado, mas grandi. For di dia 18 pa dia 24 di december a cuminsa e parti mas emocionante di e campaña "12 dia di Pasco", pasobra e sistema di computer ta genera un number di 6 cifra riba e ticket di Lotto y e numbernan ganado ta wordo revela durante e sorteo di Lotto 9'or di anochi na TeleAruba. E sorteo di e numbernan aki ta bay segun un sistema di "animacion". Tur dia tin ganado y e premionan no keda aden! E premionan di "12 Dia di Pasco" di Lotto, e loteria di Aruba, ta: Riba prome dia a saca ganadonan di Cinema Tickets. Riba e di dos dia ganadonan a ricibi e premio di e prome dia y Gift Certificate di Gasoline; Dia 3 tabatin e premionan di e prome dos dianan “+” carchi di telefon di Setar na balor di 35 florin; Dia 4 e ganadonan a ricibi di un Gift Certificate di Flora Market na balor di 60 florin “+” e premionan di dia 1, 2 y 3; Dia 5 e premio tabata un Gift Certificate di Super Food na balor di 65 florin “+” e premionan y e 4 dianan anterior; Dia 6 tabatin un ganado di un Pakete di Clapchi na balor di 75 florin “+” e premio nan di dia 1, 2, 3, 4 y 5; Dia 7 tambe tabatin ganadonan di tur e premionan di e prome 6 dianan “+” un Gift Certificate di Kooyman na balor di 85 florin; e premio di dia 8 tabata un Pagara di 100 mil tiro na balor di 125 florin sin laga afo e premio nan di dia 1, 2, 3, 4 5, 6 y 7. Ariba diabierna, cual ta "Dia 9" di e campaña lo tin ganadonan di e premionan di e prome 8 dianan “+” un Gift Certificate di Super Food na balor di 125 florin; Dia 10 bo por gana un Blackberry di Setar na balor di 500 florin y tambe tur e premio nan di dia 1, 2, 3, 4, 5, 6, 7, 8 y 9; Dia 11 lo tin ganadonan di e premionan di e prome 10 dianan plus CMB Gift Card na balor di 1.000 florin; y Dia 12, e ultimo dia, ta saca un ganado, kende ta gana tur e premionan di e 11 dianan anterior mas un CMB Gift Card na balor di 5.000 mil florin! Lotto, e loteria di Aruba cu 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y awor Tic Tac Toe, e wega mas dibertido pa hunga cu bo amigonan y bo famia. Corda un y tur pa sigui purba nan suerte cu cualkier di e 8 weganan aki na cualkier rebendedo di nan preferencia. Alabes cumprando Lotto bo ta contribui tambe na deporte riba nos isla. Lotto di Aruba ta existi desde aña 1982 y apenas algun luna atras ora cu a presenta nan imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, cual na su turno ta percura pa e fondonan ey yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento, inverti den deporte local.

album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter