Thursday, 24 July 2014
Tic Tac Toe a conoce 3 ganado di su jackpot Print E-mail
Thursday, 07 March 2013 20:45

1

Siman pasa un cantidad grandi di hungado di Lotto, tabata buscando nan ticket pa e ultimo wega di Tic Tac Toe, cu a yega na su final y mester a conoce un feliz ganado di e jackpot grandi. Tabatin un sintonia total 9’or di anochi, unda cu varios famia y amistad a sinta hunto pa hunga e ultimo wega di Tic Tac Toe. Na final a resulta cu Lotto no tabatin1 ganado, pero 3 ganado feliz di e wega tan gusta aki.

Den e ultimo dianan aki tur tres hungado ya a pasa reclama nan premio caba, cu e numbernan ganado; 01-02-08-11-18-19-20. E prome ganado di Tic Tac Toe, a pasa busca su check na oficina di Lotto y tabata den persona di señora Maria D. cu ta un fiel hungado di Tic Tac Toe y e weganan di Lotto. Semper el a cumpra su Tic Tac Toe y cu e ultimo wega el a gana 14.500 florin. Señora Maria tin 4 yiu y e premio aki e ta bay partie cu su yiunan. Lotto ta hopi contento di por a cambia bida di señora Maria D. y su 4 yiunan, masha pabien mes. E di dos ganado di Tic Tac Toe tambe a pasa busca e check di 14.500 florin pa su suegra. Sue-Ellen su suegro a cumpra diferente ticket di Tic Tac Toe na Felix Lottery ayera, como regalo pa su casa. Un di e ticketnan aki a resulta di ta un ticket ganado. E suegra di Sue-Ellen ta hopi contento mes cu e regalo aki y sigur lo bay haci bon uzo di dje. Di parti di Lotto, masha pabien mes. E di tres ganado, cu tabata falta ainda pa bin reclama su check, a presenta diahuebs na oficina. Ta trata di e cabayero Kenneth, cu ta sumamente contento cu su premio di 14.500 florin. Desde cu Lotto a bin cu e wega promocional Tic Tac Toe, el a cumpr’e pa purba su suerte y diberti un poco, tambe e ta un fiel hungado di Big 4, na e agente Indio Santa Helena. Kenneth a indica cu parti di e premio e ta bay uza pa bay vakantie y e resto e lo pone un banda. Lotto, e loteria di Aruba tin siete diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter