|
SPA ta otorga regalo na algun miembro cu a cumpli 25, 30 y 35 aña den servicio |
 |
 |
|
Sunday, 22 January 2012 22:27 |
Un comentario general di un di e coleganan miembro cu a ricibi e honracion aki tabata: “Danki SPA, danki coleganan, danki compañeronan. Danki pa no laga mi bay man bashi y sin reconocimento particular, despues di a dedica henter mi bida na e profesion aki!” Dependiendo di e cantidad di aña cu e coleganan miembro a cumpli den servicio, nan a ricibi un regalo y reconocimento. P’esunnan cu a cumpli 25 aña den servicio, nan a haya un bunita pen di plata, p’esunnan cu a cumpli 30 aña tabatin un bunita pen preto cu oro y p’esunnan cu a cumpli 35 aña den servicio, a ricibi un bunita holoshi marca Movado for di nan Sindicato. Mas cu un regalo, esaki tabata un forma di gradici e miembronan aki y nan famia, p’e gran sacrificio y dedicacion cu nan a haci como polis of trahando den e organisacion hudicial. No ta facil pa yega asina tanto aña, brindando servicio, sacrificio y dedicacion pa un trabou cu ta asina complica awendia. Pero nan amor y pasion pa loke nan ta haci, ta loke a yuda enormemente pa yega e cantidad di aña den servicio. SPA a bin ta haci esaki ya pa 3 aña consecutivo y di e forma aki ta demostra cu e sindicato t’ey pa su miembronan y ta sostene tur su miembronan den tanto tempo malo y sigur tambe den e temponan bon. Adhunto por mira e momento cu Presidente di SPA, sr. Guillfred Besaril, ta haci entrega di e regalonan na diferente miembronan, durante un celebracion ameno na PoVa CC.
 |
Mustra/Kita e formulario di comentario
