| Plataforma Lech’i Pecho Aruba ta felicita Minouche Lopez cu su condecoracion |
 |
 |
| Tuesday, 01 May 2012 22:42 |
|
Plataforma Lech’i Pecho Aruba ta un plataforma nacional forma pa tur instancia y profesional medico cu ta traha riba tereno materno-infantil na Aruba. Meta di e plataforma nacional aki ta pa tur e instancia- y profesionalnan aki sincronisa nan maneho riba lech’i pecho pa asina logra cu tur baby por haya lech’i pecho siendo e miho alimento den e prome lunanan di su bida. Entre e representatenan di e Plataforma aki tin e conocido Fundacion Pro Lechi Mama, cu su representante sra. Minouche Lopez. Diabierne ultimo, dia 27 di april 2012, Minouche tabata orguyoso di ricibi e condecoracon real esta e “Lid in de Orde van Oranje.” Minouche a ricibi e reconocimento aki pa su trabou yudando mamanan y babynan di Aruba pa cu lechi materno riba un base boluntario, lagando hopi bes su mes y su famia un banda pa atende cu e mama- y babynan ey. Y e ta haciendo esey pa mas cu 10 aña. Plataforma Lech’i Pecho Aruba ta gradici Minouche pa tur e bon trabou ey y ta felicit’e cu e condecoracion bon mereci aki. Pabien, Minouche, y sigui cu e bon trabou! |
Mustra/Kita e formulario di comentario
