| Casa Cuna contento cu nan gesto di Tri-Bike |
 |
 |
| Wednesday, 11 July 2012 16:45 | |||
 Manera hopi di nos ta corda luna pasa Tri Bike Aruba a tene un actividad social yama ‘Yuda Un Otro Activo’ unda cu a recauda fondo. ‘Yuda Un Otro Activo’ tabata un dia completo di movecion den diferente disciplina pa yuda Casa Cuna y Special Olympics.
E actividad caritativo aki pa grandi y chikito, amigo y famianan a goza di un dia activo participando entre otro den Mission, Zumba, Spinning, un bike tour y tambe un fun walk. Na final a cera cu un broche di oro a sigui move, pero bailando riba e bon musica di Upgrade Music. Caribbean Mercantile Bank N.V. tambe a contagia di e bon boluntad a duna un sosten grandi na Casa Cuna y Special Olympics pa medio di un donacion di 2.500 Florin. Ayera tardi gerente di Tri Bike Aruba a bishita Cas Cuna pa asina duna nan cheque cu e suma cu a wordo recauda. Mucha nan y gerente di Casa Cuna a keda masha content cu e gesto aki.
|
Mustra/Kita e formulario di comentario
