| Marta Hernandez a celebra su di 15 anniversario laborando na I.L. Laboratorio Familiar N.V. |
 |
 |
| Friday, 27 July 2012 16:21 | |||||||||
 Diabierna 27 di Juli 2012 I.L. Laboratorio Familiar N.V., bao liderazgo di Lic. Irene van der Linde, a tene un tremendo celebración pa Sra. Marta Hernandez den cuadro di su di 15 anniversario laborando na e laboratorio. E celebración a tuma lugar den e cantina di Laboratorio Familiar y a sigui te laat den anochi na Plaza Cafe. Marta a cuminsa labora na I.L. Laboratorio Familiar N.V. dia 27 di juli 1997 como e persona encarga cu e limpieza general di henter e laboratorio. Durante e 15 añanan e la crece den su trabao tumando bao di su encargo e parti di supervision y limpieza general di tur e branche nan na Santa Cruz, Pos Chiquito, San Nicolas, Tanki Flip, Nieuwstraat y de La Sallestraat. Marta hunto cu e team di mantenimiento ta percura tur dia pa henter e laboratorio keda full limpi y completamente sterilisa. Un trabao di hopi importancia pa un laboratorio medico. Lic. Irene van der Linde, Directora di I.L. Laboratorio Familiar N.V. a tene un discurso chiquito, gradiciendo Marta pa su amor y dedicacion pa cu su trabao y coleganan. Durante e celebración Marta a ricibi for di mannan di Sra. Van der Linde, e acostumbrado envelop, un plakaat y un regalo hopi especial di CELF Club di empleadonan di Laboratorio Familiar, como muestro di aprecio pa su labor di e ultimo 15 aña nan aki. Marta ta ricibi ainda hopi pabien di Staf y personal di I.L. Laboratorio Familiar N.V. cu ta desea pa e goza di su regalo nan y cu e cumpli hopi aña mas di labor meimei di su coleganan cu ta aprecie hopi.
|
Mustra/Kita e formulario di comentario
