| Celebracion grandi pa 75 aña di Benny Richardson |
 |
 |
| Tuesday, 31 July 2012 19:52 | |||
|
Enconeccion cu celebracion di Sr.Benny Richardson (coach) kende ta cumpli 75 aña di edad, lo presenta un programma di 10 dia pa e communidad di Aruba. Sr.Benny Richardson ta conosi den e mundo di condicion fisica, 7 dan "fisical educator" cu por duna preparacion pa landamento, basketball, bodybuilder ect. Sigur hopi conosi den su trayectoria como entrenador di basketball na Aruba Juniors,YMCA dakota y e ultimo 12 anja como entrenador di e team di basketball Estrella. Entrenador team di basketball koningkrijkspelen na anja 1999,2005 y na anja 2002 na e weganan centro Americano del caribe na Sint Thomas. Pa e ultimo 20 anjanan dunando aerobics na e pueblo di Aruba, hobennan y adulto cu semper a haya les na centro di bario playa pabao. Recientemente 27 di april 2012, Sr. Benny Richardson a ser condecora pa su mahestad Reina Beatrix den lid van oranje nassau, pa su trabaonan boluntario hasi pa communidad. E idea di un programma di 10 dia a bini door cu Sr.Benny Richardson tin un preocupacion pa e informacion incorecto cu nos hubentud y nos adultonan tin sobre e tema movecion. Movecion mester tin den dje condicionnan faborabel pa e hubentud y adulto cual ta consisti di condicion y forsa, mentalidad aceptabel pa e disiplina necesario door di tuma na serio e entrenamiento di e persona atleta of no atleta. Aki Aruba tin e opotunidad pa haya tur informacion necesario tocante salud di e atleta y no atleta, di cual programma lo consisti di docternan specialisa y atlenan cu a participa internacionalmente den weganan panamericano, centroamericano y olimpico. Lo tin e oportunidad pa presencia nos propio jiunan di tera cu lo splica over di matanan cu nos tin na Aruba pa un bon salud. E programma lo cuminsa dia 1 di augustus y lo termina dia 10 di augustus y tur actividad lo tuma lugar na Centro di bario playa pabao. Mester menciona cu tur beneficio di esaki lo ser duna na "Fundacion Sonrisa" di nos muchanan special. Pa mas informacion y inscripcion por tuma contacto cu Sr. Gino Goeloe di Wit Gele Cruis na tel 5824444 of Sr. Benny Richardson di Vitality Health Studio na cel 5937714.
|
Mustra/Kita e formulario di comentario
