Saturday, 19 April 2014
Bucuti & Tara beach resorts homenagea den top 10 den caribe den condé nast traveler 2012 readers' choice award Print E-mail
Wednesday, 24 October 2012 09:36
DSC_2063
Bucuti & Tara Beach Resorts a keda cataloga den e top 10 miho resortnan di Caribe pa lectornan di e prestigio revista Conde Nast Traveler. E top report pa romance na Aruba asina tambe a bira recipiente di e 2012 Readers’ Choice Award di Conde Nast Traveler.

E Readers’ Choice Awards ta considera como un di e fuentenan mas confiabel rond mundo pa duna conseho riba biahe. Ta scohe e recipientenan di e premio a base di un encuesta memey di e lectornan di Conde Nast Traveler pa determina cua ta e top resportnan rond mundo. E ta considera e punto maximo di excelencia den biahe. Den esaki, e di 25 encuesta anual, no menos cu 46,476 lector a participa, dunando expresion di nan opinionnan combina di hotelnan, ciudadnan y islanan cu nan a bishita den e ultimo aña.

“Desde cu nos a habri nos portanan, 25 aña pasa nos a pone como meta pa crea un experiencia memorable pa nos bishitantenan y siendo un recipient di e Conde Nast Traveler Readers’ Choice Award ta valida cu nos haci exactamente esaki,” propietario di Bucuti & Tara Beach Resorts Ewald Biemans a bisa. “Nos ta honra cu e lectornan a tuma tempo pa vota pa nos y nos lo haci tur esfuerzo pa cumpli y hasta surpasa nan expectativa.”

Bucuti, como e unico resort estilo boutique di Aruba, cu ta dirigi exclusivamente na adultonan, semper tabata reconoci pa biaheronan rond mundo. E resort a ricibi un cantidad di premio y tributo, entre otro como e Top 10 Resort mas Romantico na Mundo, un luga den e top 25 Beachnan mas Bunita na Mundo pa Eagle Beach, y recientemente e Certificado di Excelencia for di TripAdvisor. E resort ademas a ricibi mas di dos docena di premio y certificacion ambiental, incluyendo e Highest Achievement Award di parti di Green Globe Certification como e negoshi di turismo y biahe mas sostenibel den Caribe. Ademas Bucuti ta e Escoho di e Condé Nast Editor y e recipient di e Premio Five Star Diamond di e Academia Mericano pa Sciencia di Hospitalidad, AHHS.

Pa mas informacion riba Bucuti & Tara Beach Resort, bishita www.bucuti.com.

 

 

Comentarionan (1)Add Comment
Arurob
October 24, 2012
201.229.3.82
Votes: +0
...

Scirbi cos bon si, e ta cay den e top 30 di Caribe i no top 10.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter