|
Soft Opening Hopi Delicioso di Waka Waka Adventurous Food |
 |
 |
|
Monday, 05 November 2012 23:47 |
|
 Diasabra anochi invitadonan y miembronan di prensa a haya e oportunidad di sinti e experiencia di Waka Waka Cafe & Cantina situa na Schotland Straat 61 pega cu ABC Tours. Un concepto hopi aventuroso unda cu e waiternan ta sirbibo bisti den trahe di safari. E menu mes ta uno completamente varia.
Sinembargo durante e soft opening e invitadonan por a disfruta di un appetizer di e.o nachos, keeshi, carni mula y boonchi. Despues por a escohe entre un fabuloso combinacion di BBQ of Pisca. Apesar di su cuminda delicioso Waka Waka tin un bar hopi bunita cu ta sirbi e cocktailnan di mas dushi ariba nos isla. Un di e cocktailnan cu sigur ta recomendabel ta e Waka Waka Safari Juice. Waka Waka Cafe & Cantina ta habri for di oranan di atardi te cu 10'or di anochi. Nan number di telefon ta +297582600 y por keda al tanto di tur informacion via nan facebook http://www.facebook.com/arubawakawaka . Un pabien na e propietarionan dynamico cu a hasi un tremendo trabou cu e concepto aki.
 |
Mustra/Kita e formulario di comentario
