Saturday, 19 April 2014
Exitoso Anochi di Bailadornan di Fundacion Movemiento ta Bida Print E-mail
Sunday, 18 November 2012 17:35

front

Diasabra anochi den Renaissance Ballroom a tuma lugar e " Anochi di Bailadornan". E anochi aki a resulta den un exito completo miranda cu Fundacion Movemiento ta Bida a organisa e anochi aki special pa hendenan cu ta gusta baila.

E pista di baile tabata jen for di e promer cancion cu a worde toka pa Robert Thiel y su Happy Band te cu e ultimo cancion di The Tramps. Robert Thiel hunto cu Robert Maduro y Bigi Boy a habri e anochi cu un varacion di musica sigi pa Los Amicales cu a trese e toke criollo . Pa tur hende tabata tin algo pero e bailadornan a demonstra cu ta pa baila nan a bini. J-Formation a manda tur hende bek den tempo di Rock& Roll y e wesonan a kraak formalmente y jen frusto a keda ariba e pista di baila ora cu e bailadornan a cuminsa saka tur piqueto cu tin. E final di anochi a trese otro sopresa ora cu Loyd Baptist a join The Tramps ariba e scenario y a canta hunto cu nan tur e oldies nan di tur tempo. Tur esnan cu a cumpra nan entrada lo hanja un entrada gratis pa e proximo evento di baile cu Fundacion movemiento ta bida ta organisa p'asina un y tur keda move sanamente. Un danki special ta bai nan tur e gruponan musical sponsornan cu a coopera cu FMTB y tambe gerencia di Renaissance pa nan servicio excellente. Den luna di april otro anja lo tin un otro"Ban Baila" cu lo bai cai hunto cu nos dia di movecion di 30 minuut pa henter Aruba ariba 6 di april. Otro luna FMTB lo publica su programma di 2013 y pa esnan cu kier wak e potretnan cu a worde saka diasabra anochi nan por wak nan ariba nos facebook "movemiento ta bida"

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter