Diasabra anochi un cantidad di famia a bay keiro pa wak Casitanan di Luz na Seroe Preto. No tabata tin caminda pa para asina hopi auto riba e prome anochi pa e aña aki. E apertura a bay acompaña pa toca di diferente gaita.

Asina cu temporada di Fin di Aña drenta voluntarionan di tur edad ta traha masha duro mes pa habri e Casitanan di Luz na tempo. E ta un tradicion tuma over door di grupo di hobennan di Seroe Preto y te dia di awe grandi y chikito ta traha riba e obra tan gusta aki cu a pasa forma parti di nos cultura.

Casitanan di Luz ta existi mas cu 40 aña caba. E obra a cuminsa cu 2 cas di carton cu tabata wordo decora cu solamente 25 luz di bombiyo grandi. E tempo ey tabata tin un trapi so pa subi bai halto, cu tabata traha di baranca. Durante e añanan diferente persona a traha e diseñonan pa Casitanan di Luz y awendia un di e disenadornan principal ta Mr. Nino Kock.

Prijs halto di coriente a keda un problema aña pa aña y e voluntarionan tras di e Casitanan di Luz semper ta pidi contribucion di sector comercial. Pa futuro tin plannan pa soluciona e dolor di cabes aki dor di haci uzo di panelnan solar cu baterianan.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi