Saturday, 19 April 2014
General Air Services a tene un Celebracion di Gala di Pasco Print E-mail
Saturday, 15 December 2012 15:36

gas002

Director Gerente y CEO Alejandro Muyale a yama bon bini na e empleadonan di General Air Services den e grand ballroom di e Marriott Aruba Resort & Stellaris Casino, pa e fiesta di gala y premiacion tradicional di fin di aña.

E resort su ekipo culinario a sirbi un buffet spectacular di cuminda festivo y e entretenimento musical pa e anochi a inclui Gaita Sparkle, DJ Beats, Robert Jean d’Or Y Su Solo Banda Show, y e popular Upgrade Music, kendenan a yena e pista di baile cu parehanan y coleganan elegantemente bisti. E parti oficial di e anochi a conta cu emcee Nelio Gomes Da Silva y Gerente General di General Air Services Dimitri Pavlowitch, kende a uni cu Director Gerente y CEO Alejandro Muyale pa presenta e top empleadonan cu bunita plakkaatnan, regalonan, palabranan di elogio y aplauso. Pavlowitch ta raporta cu e compania su crecemento tabata remarkabel, creciendo for di solamente 75 empleado durante e Milenio, pa 278, na 2012. E compania, cual ta duna servicio na un averahe di 35 buelo pa dia, ta duna servicio pa United Airlines, Delta Airlines, Jet Blue, Air Tran Southwest, Spirit Airline, KLM, como tambe tur e buelonan di Tui, ArkeFly, Thompson y Tomas Cook, ademas di duna servicio na DHL, Fed Ex & UPS. General Air Services tambe ta duna servicio na tur e buelonan di su compania ruman Tiara Air, como tambe hopi aerolinea regional for di Brazil, Venezuela y Colombia, y buelonan di charter. Agente Principal Roxanne Rumnit y Agente di Servicio di Cliente Rudolf van Tol a gana e titulo di Empleado di Aña pa 2012 pa General Air Services, den e categoria di “Above the Wing”. Ambos a wordo elogia pa nan etica y habilidadnan excelente na trabou, sirbiendo pasaheronan cu ta drentando y saliendo na Aeropuerto Reina Beatrix, cu un sin fin di pasenshi y profesionalismo. Coordinador Malvin Tromp, y Agente Ruud Maduro a gana e titulo di Empleado di Aña pa 2012 na General Air Services den e categoria di “Below the Wing”. Ambos a wordo reconoci pa nan actitud y conducta estelar, dunando servicio na e avionnan cu ta drentando y saliendo y cuidando tur e maletanan na Aeropuerto Reina Beatrix, cu un dedicacion, enfoke y orguyo total. Aki por mira e ceremonia di premiacion pa General Air Services, unda certificadonan a wordo entrega na tur e nominadonan, y plakkaatnan a bai na e ganadornan. General Air Services recientemente a celebra su di 40 aniversario na Aruba.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter