Saturday, 19 April 2014
Playa Linda su maximo honor a bay pa Joselito Lopez y Evelina Werleman Print E-mail
Tuesday, 18 December 2012 14:18
DSC_2063
Empleadonan di Playa Linda Beach Resort a marca e temporada cu animo halto den un celebracion recien cu a yuda marca e logronan di e aña. Un punto culminante di e anochi tabata e anuncio di e “miho di miho” entre empleadonan di Playa Linda, unda cu e top honornan a bay pa Joselito Lopez, di e departamento di Loss Prevention, como Empleado di Aña, y Evelina Werleman, di Front Office, nombra como Supervisor di Aña.
E anuncio a keda ricibi cu hopi aclamacion y aplauso, demostrando e aprecio halto cu tanto Joselito Lopez como Evelina Werleman ta gosa entre nan coleganan. Elogio a ser duna tambe na Ana Maria Hurtado-Espinosa, kende a gana e Star Award. Como un di e poco empleado femenino den e departamento di Maintenance, el a proba cu e por saca su mes y por sobresali den su posicion como verfdo. Como Playa Linda su Nobato di Aña, Maria Matos, a keda reconoci como un balor agrega pa e departamento di Housekeeping.

Esfuersonan colectivo tambe a gana admiracion cu e premio pa Departamento di Aña bayendo tanto pa Maintenance Department como tambe Front Office & Reservations Department. Ambos departamento a proba inbalorable durante e aña tras di lomba cu terminacion exitoso di e renovacionnan grandi cu a tuma luga. Varios mehoracion a keda ehecuta door di e Maintenance Department, mientras cu Front Office & Reservations a haci un tarea excelente den tene e huespednan informa durante di e proceso.

Reconocimentonan bon mereci a keda presenta door di Playa Linda Beach Resort su Gerente General Jan van Nes, hunto cu Gerente di Recurso Humano Sulaika Kelly y Director Financiero Richard Betrian.

dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter