| Mensahe special pa dia di mama |
 |
 |
| Saturday, 12 May 2007 20:39 |
|
Ta un dia riba cual tur yiu ta bin hunto y ta gradici nan mama pa tur loke el a significa pa nan y nan famia. E mihor regalo cu un yiu of yiunan por duna nan mama ta pa comporta nan mes bon, no uza alcohol y droga, no mishi cu cosnan di otro hende, respeta nan mayornan y tur otro hende y respeta nos leynan. Ser ciudadanonan di un moralidad halto. Stima mama henter aña y dune un cariño special riba su dia.  Mama ta e nucleo rond di cual henter familia ta draai. Den un union familiar nos tur tin cu valora nos mama, e ser cu a pone nos na mundo y cu ta stima tur su yiunan na unda cu nan por ta. Ta pesey den nomber di gobierno y comunidad Arubano mi ta desea tur mama un feliz dia yen di dicha, salud y bendicion y ta mi mas sincero deseo pa e union familiar wordo fortifica cada dia mas y mas. Na e yiunan cu no tin nan mama mas, mi ta spera cu nan lo bishita nan ser queri na nan ultimo lugar di sosiego y duna reconocimento y gratitud pa tur loke nan mama tabata significa pa nan. Cu Dios Todopoderoso drama su bendicion riba tur nos mamanan. |
Mustra/Kita e formulario di comentario
