Recientemente tabata di bishita na Aruba pa promer biaha un grupo selecta di periodista nan procedente di Norwega Invita door di Aruba Tourism Authority. Nan tabata un total di 7 x periodista di diferente revistanan como lo siguiente : Sra. Caroline Korsvoll & tambe Hilde Tobro di e revista Kamile, Sr. Thor Olav Moen di e revista Vi Menn, e prensa aki A concentra full ariba e parti di deep sea fishing na Aruba.

Sra. Mai-Britt Sverd di e revista Hjmmet, Erlend Ellingsen Di Reis & Travel News ,Erik Valebrokk di Se og Hor y tambe Sr. Eivind Pedersen di e corant Dagbladet. Sr. Ricardo Croes di ATA a keda encarga cu e V.I.P. nan aki cu a keda hopi impresiona cu e potencial nan di nos dushi Isla .Segun comentario di Sra. Titti Lagerfeld cu ta e ATA Rep. di Aruba pa e area di Scandinavia, cu Norway ta e pais di mas stabil den e region ey . E pais aki no tin debe nan externo y tambe e gobierno no ta cobra pa educacion, esaki ta exactamente loke Aruba ta buscando den su turismo di nivel y nos mester ta prepara, vooral den parti di servicio.Ariba e potretnan nos por aprecia Sr. Croes di ATA na Bucuti Beach junto cu Tisa tambe na Divi Links unda nan a hospeda pa dos dia junto cu Sr. Alex Nieuwmeyer , na fabrica di Aloe, Papiamento restaurant, Charlie’s bar & restaurant. Sr.Thor Olav di e revista Vi Menn a gara un mulato di 40 liber den e boto di Driftwood. Pa ultimo nan a bishita Santa Rosa tambe.

Filomena College Mavo a duna atencion special na su alumnonan cu mihor rapport den e segundo periodo. Nan a haya un treat sorpresa na Burger King pa nan bunita rapport y muestra di dedicacion na nan estudio.

Plataforma Lech’i Pecho Aruba ta un plataforma nacional forma pa tur instancia y profesional medico cu ta traha riba tereno materno-infantil na Aruba. Meta di e plataforma nacional aki ta pa tur e instancia- y profesionalnan aki sincronisa nan maneho riba lech’i pecho pa asina logra cu tur baby por haya lech’i pecho siendo e miho alimento den e prome lunanan di su bida.

Como un di e islanan den Caribe conoci manera un luga luhoso pa visita, ELEQT a scoge Aruba como un di su islanan pa enfoca riba dje den e región aki. Anteriormente ELEQT a keda lansa na luganan manera London, Hong Kong, Curacao, Dubai, Sao Paulo, Buenos Aires, Miami, Istanbul y Beirut.

Total Services ta conoci pa ofrece productonan di calidad halto y servicio excelente. Siguridad na trabao ta na prome luga pa tanto nan empleadonan como nan clientenan, pero tambe Total Services ta concerni cu e parti humano di servicio.