| Ta falta apenas 1 luna pa “Na Drempel di Fin di aña” cuminsá |
 |
 |
| Wednesday, 12 September 2012 08:32 |
 Kere of no pero cu tempo ta bula bai laga nos ta un berdad mes cla cu awa.. Imaginabo cu ya caba ta falta apenas un luna solamente pa e programa cu ta domina tur caminda esta “Na Drempel di Fin di Aña” cuminsa. Asina mes riba 12 di October dia riba ‘dia de la rasa’ a keda skohi pa e dia pa e inicio di e show mas stimá di e pueblo di Aruba pa grandi y chikito.
Ya caba e team di Na Drempel di fin di aña tin algun tempo caba a reuni caba ta brainstorm kiko pa haci e aña aki atrobe pa haci e Na Drempel di Fin di Aña mas special ainda. Manera tur aña ela bira un tradishon cu cada aña Erin Croes y su team ta pone un toke nobo na e show special aki. Manera aña pasa a inicia cu e fragmento nobo cu a haya e nomber di “Arubanita”. Un fragmento cu ta duna realse na nos balornan cultural. E aña aki no ta un excepcion. Arubanita lo tey atrobe. Pa dia 12 di October preparacionnan ta tumando lugar pa asina brinda Aruba un magnifico apertura cu gruponan di Gaita invita y diferente sorpresa cu a ser prepara e dia aki pa duna inicio na otro temporada dushi y bunita. Erin Croes a comenta cu e ta masha contento di e reaccion tur aña cu e ta haña di amigonan comerciante, oyentenan tanto local como esnan den exterior , tur hende ta pendiente pa e programa. Esaki ta haci e programa asina exitoso y pesey mes nos ta celebrando tambe su di 24 temporada . Di awor caba nos kier invita tur hende pa yega aki na South Beach Centre for di seis or di atardi na unda nos studionan di e emisora MAGIC FM ta ubica pa asina bin celebra otro apertura MAGNIFICO. Lo tin diferente grupo di Gaita popular invita y asta Santa Claus lo yega unrato cu sorpresa pa nos muchanan. Lo tin tentnan cu cosnan dushi pa come y artesania local… E edicion cu ta cuminsa net aki un luna lo haya e titulo di “Bin pasa Pasco na cas”....Keda pendiente. |
