Durante un conferencia di prensa yama door di nos aerolinea nacional, Tiara Air, varios desaroyo positivo a tuma lugar durante e temporada aki. Segun cu nos tin entendi, e website di Tiara Air ta hopi popular. Tin un total di 500 hits pa dia. Mayoria pasahero ta boek nan ticket online. Esaki ya caba a bira un trend den nos comunidad. Recientemente un encuesta a wordo haci abordo y esaki a sali hopi positivo.

Pastechi a wordo introduci bek riba e rutanan. Tiara Air a scohe The Pastechi House pa percura pa esaki. E pastechi ta wordo sirbi riba vuelonan di mainta pa Curacao. Proximamente e airport tax lo ta inclui den e prijs di ticket. Sea di bo bula di Aruba pa Curacao of Curacao pa Aruba. Desde prome di Juni ta hasiendo tur tramite pa Tiara Air usa su mesun bus na Aeropuerto pa asina cu e pasahero yega Curacao lo tin un bus cu airco pa asina hiba e pasahero pa e terminal. Na e momentonan aki ainda e pasahero mester cana un distancia largo pa yega e terminal. Tambe den luna di Juni lo amplia e cantidad di vuelo pa Curacao. Ademas lo traha pa e prome vuelo sali 7.05 di mainta. Pa otro siman, Tiara Air lo lanza su paketenan caminda ta inclui transporte, hotel, desayuno, etc.

Tiara Air ta negociando cu un Cargo Express. Pa tur ruta cu Tiara Air ta bula nan lo introduci e servicio di carga. E servicio di carga aki ta consisti cu Tiara Air lo bin busca e pakete of envelop na e persona cu kier manda esaki. Nan mes lo hibe airport y na e destino final nan lo entrega e pakete tambe. Si e recipiente mester firma pa e pakete of documento esaki tambe lo ta posibel. Y ainda tin hopi desaroyo positivo mas na caminda, entre otro servicionan di Air Ambulance.

Comentarionan (0)

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi