| CEO Aruba Airlines sr. Onno de Swart: Aruba Airlines ta lansa su prome vuelo inaugural non stop pa Punto Fijo, Venezuela |
 |
 |
| Friday, 08 October 2010 23:03 |
 “Punto Fijo ta un di e ciudad cu tin un demanda grandi di parti di e comunidad di Aruba pa bishita”, sr. Onno de Swart, CEO di Aruba Airlines a bisa. E servicio aki ta cumpli cu e demanda di clientenan cu tin, pa servicionan mas combiniente y directo pa Punto Fijo. Cu e vuelo inaugural di Aruba Airlines, ta sigura y fortifica transporte aereo pa e destinacion aki. E vuelonan di Aruba Airlines ta Sali for di Aruba 7’or di mainta, 12’or di merdia y 4’or di atardi, ora local cu destinacion aeropuerto Josefa Camejo, Punto Fijo. E vuelo tin un duracion di 15 minuut. E orario nan aki ta valido di dialuna pa diasabra. Diadomingo Aruba Airlines su vuelonan ta Sali 12or di merdia y 4’or di atardi ora local y tin un duracion di 15 minuut di vuelo pa aeropuerto Josefa Camejo, Punto Fijo. Clientenan di Aruba Airlines lo disfruta di un experiencia unico, desde momento di check in, te na nan yegada na Punto Fijo y vice versa. E servicio cu clientenan di Aruba Airlines lo ricibi ta unico y ta cumpli cu tur e rekisitonan di cualkier compania internacional. Tarifa inicial cu Aruba Airlines pa Punto Fijo ta di 200 dollar pa pasahero ida y buelta. Punta di benta di ticketnan di Aruba Airlines ta uno simpel. E pasahero por yega na e check in counter di Aruba Airlines un ora prome cu vuelo y cumpra su ticket y biaha. Entrante otro siman, e clientenan di Aruba Airlines por haci reservacion online (internet) of via e call center di Aruba Airlines 5883000. E ultimo aki naturalmente basa riba disponibilidad. Un Servicio extra cu Aruba Airlines ta brinda, ta cambio di orario di vuelo of fecha di vuelo ta sin costo adicional. Aruba Airlines lo opera su vuelonan combina cu pasahero y carga entre Punto Fijo y Aruba, uzando un avion tipo Piper Chieftain cu capacidad di 7 pasahero. E avion ta brinda excelente espacio pa tur comodidad di e pasaheronan. Aruba Airlines cu e vuelo inaugural aki lo garantisa tur cliente, servicio na nan gusto. Durante e vuelo inaugural di Aruba Airlines na Punto Fijo, Ehecutivonan di Aruba Airlines a ser ricibi pa Gobernadora di Punto Fijo, Ehecutivonan di Aeronautica Civil, Director di Aeropuerto Josefa Camejo, cu a mustra nan gratitud pa amplia e capacidad di servicio aereo pa e destinacion aki. Aruba Airlines ta un compania cu base local. Ta opera vuelo charter entre Aruba, Curaçao y Bonaire y awor ta opera vuelonan diario pa Punto Fijo. Aruba Airlines a cuminsa cu su operacion na Aruba desde aña 2010. Aruba Airlines ta un compania modesto cu ta creciendo cu pasonan gigantesco, pa sirbi henter e pueblo di Aruba. Aruba Airlines ta mustra di bira un compania cu plannan innovativo y ideanan no comun den nos region. Dentro di poco lo anuncia e ekiponan nobo y moderno.  Comentarionan (2)Mustra/Kita comentarionan ...
Exito y mi ta spera cu boso si por duna mihor servicio cu Tiara na Punto Fijo paso eynan ta manera un cas di hende loco ora di check in. Dus stress pa e servicio y amabilidad resalta paso e ora boso lo ta riba e bon caminda pa competi. Good job guys. Buska algun avion espacioso y cu mas speed, esey ta locual e pasahero actual kier, jega di punto B mas liher cu por.
,
October 09, 2010
Duna Comentario y/of Comparti riba Social Medi |
Mustra/Kita e formulario di comentario
