| Habitantenan di Tarabana ta fada! |
 |
 |
| Thursday, 19 April 2012 10:15 |
 "NOS kier NOS VOZ yega na oido di Minister di Husticia, Cuerpo Policial, Polis di bario, Gobierno y esnan concerni. Dia aden y dia afo NOS bario di Tarabana ta wordo usa como pista nan di Palomarga, unda nan ta hasi careda nan ilegal, dreimento di auto y brommer, show di fever y drift den e caya nan di Tarabana" di e manera aki un habitante di Tarabana a expresa su mes na 24ora.com.
Esaki ta sosede 24ora pa dia. E persona nan aki no tin consideracion pa e trankilidad di NOS habitante nan, den ora di marduga, ora cu normal ta pa hende drumi. NOS ta pidi pa Gobierno y esnan concerni cuminsa tuma medida cu esaki, ya cu pa añas e problema ki ta sosediendo y a jega un momento cu NOS tin cu bisa ta BASTA!!!! NOS ta pensa cu e unico solucion pa esaki ta, pa Gobierno pone algun VERKEERSPLATEAU, den pueblo yama "Polis drumi" den e caya di Pindastraat y Mandolinstraat pa asina caba cu e cos nan ki. Den pasado tabata tin hopi accidente unda pa motibo di velocidad auto nan ta perde control y drenta den cura nan di kas, Danki Dios te ainda no tabata tin ningun persona involvi den e accidente nan ki.
Pesey NOS kier yega na un solucion mas pronto cu ta posibel pa asina preveni esaki, ya cu den NOS bario tin hopi persona nan penshonado, grandi di edad, hoben y chikito cu ta usa e caminda nan aki pa bai cas, scol, supermarket etc. y e esnan cu ta core duru no ta tene cuenta cu esaki. Spera di por mira cambio nan pronto den NOS bario.
Comentarionan (3)Mustra/Kita comentarionan ...
laga polis bai controla berdad promer baka hoga despues saka di poz.y caminda di barcadera no ta sirbi mas jen buraco of nan a sinja nan les for di e mariniernan cu a muri?
,
April 19, 2012
...
Pakiko worry pa bai keur bo auto si polis no ta reacciona 'riba autonan, quadracer y motocycle cu ta corre cu muffler cu ta zona duro ?
Awor tur cos bayendo for di man cu e asina yama "drifting" cu vehiclonan den barrio. Pregunta ta si habitantenan mester tuma tur cos den man propio pa asina regla cuenta cu e kens nan cu hasi bochincha den nos bario?
,
April 19, 2012
...
Esaki ta susede tambe den rondweg e hendenan ta core auto masha duro mes di rondweg pariba te rondweg pabow banda di kooiman biuew. e mas tristo ta cu un dia nan lo ranca bida di un mucha inocente door di e coremento duro aki, di akibanda mi kier a pidi mr di justicia pa please laga pone polis drumi den rondweg tambe. ban evita pa nos no mester lamenta despues.Rondweg a bira hopi druk cu tur e chines cu a habri, esaki ta pone cu tin hopi cruzamento di caya tanto di aduto como di muchanan.
,
April 19, 2012
Duna Comentario y/of Comparti riba Social Medi |
Mustra/Kita e formulario di comentario
