For di November 2011 Universidad di Aruba tin un Studentenraad cu ta e unico representante official di tur studiante di tur facultad na e Universidad den cualkier disputa cu por tin y di tur indole.

Na momento cu un studiante inscribi na Universidad di Aruba e ta automaticamente miembro di e studentenraad. E bestuur mes ta consisti di studiantenan di e faculteitnan y awor ta den proceso di prepara pa e elecshonan pa e siguiente bestuur. Den e tiki tempo di su existencia Studentenraad di Universidad di Aruba a sa di atende cu varios caso unda cu studiantenan di diferente facultad a vocifera nan preocupacionnan y diferencianan di opinion. Studentenraad di Universidad di Aruba- manera ta para den nos meta – a trata y resolve tur e casonan akinan na un manera civilisa y profesional a base di respet mutuo. Na unda hende ta traha semper tin errornan cu por tuma lugar of mal comprendemento y p’esey studentenraad ta para ariba cu e mihor solushon semper ta door di dialogo profesional. Cu esaki den mente studentenraad ta forma parti di diferente comishon na Universidad ariba iniciativa di Universidad mes como tambe iniciativa propio pa asina semper e opinion di studiante ta bon representá. Den e edicion di ‘Den Noticia’ e corant electronico di dia 28 di mei ultimo, como tambe den Solo di Pueblo di 29 di mei ultimo a sali un articulo skirbi pa SAR (studiante arubano rebelde) cu e ponencia di representa studiantenan. Te na es momento aki ningun studiante cu a aserca Studentenraad di Universidad di Aruba ta comparti opinion expresá den e articulonan ariba mencioná como tal Studentenraad di Universidad di Aruba ta distancia su mes di henter e articulo aki. Mescos cu SUA a haci den pasado nos ta bolbe invita e studiantenan aki pa haci nan mes elegibel pa e bestuur di SUA y asina positivamente contribui cu nan añas di experiencia pa un mihor Universidad di Aruba pa un y tur. Di antemano danki pa e espacio otorgá na e Studentenraad di Universidad di Aruba.

Comentarionan (2)

Mustra/Kita comentarionan

...

E no ta SUA, e ta un SOA! No perde boso tempo, percura pa bo hanja studielening pa evita pa bo caba na Universidad di Aruba paso na Aruba so e diploma ta valido, esta di San Nicolas pa Westpunt. E studentenraad ta consisti di un paar di studiantenan hobbyista pleitando cu un boshi di docentenan frustra.

Machete Demonio , June 05, 2012

• 
• +4
• 
• 

...

Wel ta na Aruba mi ta biba y traha. Y mi no ta interesa pa bai nuin otro parti di mundo. Si e diploma ta wordo reconoci na Aruba y paga segun e opleiding., esey ta importante. Pero tin docentenan cu ta laga hopi di desea na e Universidad aki. Vooral esun cu ta bin di Hulanda.

sd , June 28, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi