| Aruba “Going Green”….pakico energia di biento…y na cua prijs? Segun opinion di Psicologo Tony Green |
 |
 |
| Monday, 11 June 2012 11:00 |
 E Psicologo Arubano a cuminsa su articulo bisando cu…e no ta un error cu e Arubano awe ta masha interesa den “going green” (energia alternativa). Nos gobierno ta marchando padilanti riba nos isla cu e idea pa e pais bira uno berde. Comerciantenan y nos hogarnan ta siguendo e pasonan di gobierno. Por cierto, segun Tony Green, nos comunidad ta aun mucho mas zeloso cu gobierno pa busca energia alternativo. E motibo di esaki ta pasobra nos ta conciente cu nos ta pagando sumanan astronomico pa coriente y awa aki….y e pueblo ta sclamando pa un alivio rapido. A. Palabranan di elogio pa esfuersonan di gobierno: E pueblo ta sigui aplaudi tur e esfuersonan di gobierno pa haci Aruba un pais berde. Parce cu tin un impuhe sincero di parti di gobierno pa utiliza fuentenan di energia alternativo pa e isla riba un escala hopi grandi y total. Y, sin duda nan ta merece tur elogio pa e empeño aki. Pero, e unico problema ta, esnan cu sa, cu sa berdaderamente, ta cuestionando e direccion cu gobierno a scohe pa bay cu e fuentenan di energia alternativo. Nan aparente escohencia di e fuente ta loke Tony Green y hopi mas di e berdadero expertonan ta cuestiona. Investigacionnan a proba cu energia di biento, mientras e ta un hopi bon fuente pa crea energy…y cu esaki tabata e escohencia di masha hopi pais den e ultimo decada, ta e fuente mas costoso (inversion inicial), y e ta esun menos estetico pa cu e medio ambiente. Ademas, e ta mas costoso pa opera y mantene. Torennan halto di mulinanan ta un bista non-atractivo pa un panorama bunita di naturalesa y nan por ta un ferfelo grandi pa motibo di e sonido cu nan ta produci, hasta ora esaki ta na un decibel hopi abow. B. Problema di Power Factor: Estudionan y experencia di esnan cu ta operando molinanan di biento ta revela cu e costo di operacion di un molina ta basta mas halto compara cu otro fuentenan pa motibo di e problema di Power Factor. Esaki ta haci su rendiment (aunke esaki ta bon a pesar) mas aboa cu normalmente e lo por. Por cierto, e raport anual di Aqualectra (Corsow) ta informa cu e produccion di mas di un aña di e planta na e parke na Vader Piet ta bay perdi pa motibo di e problema di Power Factor (corrosion di e red). Papiando di Power Factor, ta bastante ironico cu den e campaña di ELMAR su Hunto Nos Ta Spaar programa, nan tabata promoviendo un bombiyo cu segun nan lo yuda spaar coriente. Ta resulta cu e mesun bombiyo ey no por wordo bendi na China. Pasobra cu e tin un Power Factor mucho aboa...0.44! Aki, nan ta pushe riba nos como e mihor cos cu tin! Esaki ta kico…? Falta di saber, conocimento of kico? C. Preguntanan Clave: E pregunta berdadero cu nos kier haci ta….nos expertonan a sinta hunto pa delinia specificamente, y despues di un debido bon estudio kico mester ta e plan di energia alternativo pa Aruba pa e short, medium of long term? Un otro pregunta mas crucial ta…pakico gobierno di Aruba no a implementa un mandato legal pa nos companianan di utilidad…mas bien pa Aruba…ya diez aña pasa? Segun Psicologo Tony Green, no ta ELMAR tampoco WEB, tampoco Utilities Aruba tin e deber pa decidi e direccion di Aruba encuanto su filosofia di energia. Nan contribucion na e discusion mester ta bon bini, pero ta gobierno su responsabilidad pa stipula y declara pa ley kico ta su maneho, su filosofia di energia. E ora nan lo mester biba cu esey! Ta gobierno cu mester investiga diligentemente tur e opcionnan y “bench mark” e mihor practicanan pa implementa aki na Aruba. Cu tur respet pa tur cu a traha riba e asunto, e decisionnan cu tin aworaki, ta parce cu e decision pa traha un di dos parke di biento no ta uno “cost-effective pa Aruba. Pasobra un sistema cu un Power Factor problematico manera ta comun pa turbinanan di biento y un sistema cu ta permiti su financiadornan chica e economia, nunca por tabata un bon decision! D. Pakico Focus Riba Biento: Den aña 2005 e revista Mericano, Newsweek, a raporta cu 0.03 procent di e energia solar mundial via panelnan solar tawata produci 4.5gigawat di coriente. Mas o menos un tercera parti di panelnan solar a wordo planta na Alemania. Pesey e preguntga, pakico nos aki na Aruba a scohe pa un concentracion asina halto di energia di biento, mientras cu tur e investigacionnan haci pa expertonan Europeo y Mericano to advertiendo nos fuertemente pa no bay den operacionnan costoso di parkenan di biento. Mas aun, Green ta kere cu nos na Aruba no ta wordo bisa ful e berdad di e turbinanan di biento tampoco. E ta kere cu e price inicial di e energia di biento ta considerablemente mas halto cu e costo inicial di energia solar. Awe na Aruba, e prijs di instalacionnan di panelnan solar ta entre 12 pa 14 cen Mericano pa kWh den sector comercial. Mientras nos ta comprende cu e cost prijs di energia di biento…e sistema di Vader Piet, ta mas o menos 30 cen Mericano pa kWh!...18cen mas caro cu energia solar! Y, nos no sa si e prijs di 30 cen pa kWh ta inclui transporte y e costo di distribucion y e ganashi cu Elmar kier haci. Te cu awe ningun hende ta bisa nos exactamente con y cuanto nos, e cuidadano, ta beneficia directamente di e instalacionnan na Vader Piet! No bisa nos cu nos lo beneficia den futuro, pasobra esey NO ta berdad. E siguiente paragrafo aki ta ilustra esey. E. Perfil di Costo di Energia di Biento: Tur investigacion haci ta indica cu dentro di 3 aña, pa aña 2015, energia di biento na Aruba lo bay costa 5 biaha mas hopi cu energia solar! Ironicamente, na Alemania, na unda nan tin 50% menos dianan di solo cu Aruba (di nos ta casi 100% dianan di solo), nan tin 5 biaha mas instalacionnan solar (panelnan solar) cu energia di biento!...hopi menos di e torennan halto cu un constante ruida fastioso. Pakico aki na Aruba nos mester considera energia di biento mes, ora tur experto, expertonan objectivo di Europa y di Merca, ta conseha cu ta mucho mas miho pa focus riba energia solar! Energia solar (panelnan solar) ta casi invisible si ta poni riba daknan, nan ta limpi (esta e coriente), practicamente liber di mantencion, no tin Co2 emisionnan, tin bida largo di + 30 ana, nan por ta resistente na clima, liber di tur zonido, y por wordo instala pa cualkier nobato. Y, nan prijsnan ta bahando drasticamente haciendo nan mucho mas barata cu turbinanan di biento! Pakico considera energia di biento mientras nos tin un virtual reactor nuclear riba nos cabes den shelonan habri cu un cantidad ilimita di energia totalmente gratis ta wardando riba nos pa capte. Na e financiadornan di e turbinanan….na Ingles tin un dicho cu ta bisa: “you can fool some of the people, some of the time, but you can’t fool all of the people all the time!”
Comentarionan (9)Mustra/Kita comentarionan ...
Yes we are being fooled for a long time now, and we can't do anything about it. Guli manda abow, y vota conciente proximo eleccion.
,
June 11, 2012
...
Pakico e tanto gezeur eterno riba ,,brandstofclausule,, anto? Ma bon nos kier baha e prijs di energia, si of no? Mi no ta experto! Como psycologo tampoco necesariamente ya bo ta experto! Un dentista tampoco! Un panadero tampoco, etc! En todo caso e costo di energia halto mester wordo confronta cu tur loke awe ta disponible. Y nos tin abundancia na biento y solo, pues nos por opta pa solar panels y mulina. Tur dos ta opcion! Loke ta pasando awe na ARUBA ta e hecho condenable, cu MEP a sa di haci di esaki su ,,super issue,, pa remedia su posicion politico delicado y alarmante a costo di tur cos. Y si awe bo critica MEP su ansha pa su garamento di cualkier ,,strohalm,, cu presenta su dilanti, ta partidista bo ta, mescos cu e mepistanan. Papiando di vista bunita: Loke si ta feroso pa wak den nos naturalesa bunita ta e bendita palonan seco y preto di Elmar, gespat na tur caminda den cunuco y ningun di nan ta straight, tur cambow.
,
June 11, 2012
...
Tur hende cu dos plaka di sinti sa cu logue Mr. Green a scirbi ta berdad, i bo mes por busce online, un bon artic*lo, i bo no mester ta un ingeniero pa bo ta bon informa hasi bo huiswerk, i mi ta conseha lesa e columna di Mr. van Nie tocante di e veld di baterianan cu mester i cuanto e ta kosta, i na unda lo tira nan afor despues?
,
June 11, 2012
...
I am often asked which is better - wind turbines, or solar modules. The answer, of course, is that it isn't as simple as stating which technology is better - both have their benefits and drawbacks and which technology is best depends very much on the application and the location of the system. Yes.... application and location. I will get back to you all soon.
Brine Tec.
,
June 11, 2012
...
For large scale applications - such as for commercial scale power production for the national grid - wind turbines are the most obvious solution. Large scale wind turbines are efficient and effective, and can be installed in a variety of locations - including far out to sea - comparatively quickly. Unlike the early large turbines, modern turbines are virtually silent and the largest systems can generate in the region of 2 or more megawatts of power - enough to power over 2,000 homes. But you cannot put all your eggs in one basket, I will tell you why.
Brine Tec.
,
June 11, 2012
...
Now.... to correct The Power Factor on The main Grid, you should use a Synchronious Motor also driven by wind power as the prim mover, and the exitacion part of this Syn. motor by solar energy. There is a valid reason for this. Seek and you shall find. Reading and doing is to diffrent things, these findings were done in diffrent High Tec lab throughout The Wolrd. This is our field of battle. Thank you for your time. Adios.
Brine Tec.
,
June 11, 2012
...
Ay Avatar lo siguiente ta ,,Biblical Wisdom,,! The tongue of the wise useth knowledge aright: but the mouth of fools
poureth out foolishness. Bo sa, ami nunca a sinti mi mes ,,fooled,, pa ningun hende, pero esnan cu si lo ta sinti nan mes ,,fooled all the time,, ,kisas lo ta pasobra ta nan mes lo ta.....eh.....enfin, caba e frase bo mes!
,
June 12, 2012
Duna Comentario y/of Comparti riba Social Medi |
Mustra/Kita e formulario di comentario
No solamente nos gobierno (y su conseheronan) parce ta siego,
sino capricho (y dios sa kiko mas) tambe ta hunga un rol den e
decinionnan cu ta wordo tuma alrespecto.