| Wowo di Pueblo: Ironia di aña escolar nobo pa motibo di un ministro problematico |
 |
 |
| Friday, 17 August 2012 16:42 |
|
Durante e 2 aña y mey cu a caba di transcuri hopi ta e scolnan cu depende nan necesidad a haña nan renobashon correspondiente y sin tin di subi caya pa demostra pa asina por a haña siquiera un poco di atencion manera cu tabata sosode den pasado. Dia 15 augustus 2012 tur e scolnan cu tabata den renobashon a habri nan porta den un bachi nobo pa ricibi e alumnonan. Hopi tabata testigo di e alegria total cu tabata brota for di e maestronan, mayornan como tambe for di e alumnonan. Y hopi di nan sea cu a vota of no pa e ministro responsabel di e alegria aki a bise entre otro “Danki ministro, sin bo labor awe ainda e scol aki lo ta den un situashon deplorabel”. Y tur esaki a wordo logra danki na ministro Dowers cu a sabi di hinca un equipo den otro pa realisa esaki. Mientras cu tur esaki tabata pasa, ironicamente riba e mesun 15 di augustus 2012 oponentenan y otro nan cu no por biba cu e realidad di un sentencia di hues ta tilda ministro Dowers pa problematico y un persona sin palabra. Ora cu tuma nota di kiko e personanan aki ta ventila via medionan di comunicashon y otro banda bo ta mira hoya di edificio di scolnan equipa cu materialnan moderno pa nos maestronan na un manera mas agradabel por hasi e tarea noble di forma e futuro di Aruba bo ta conclui mesora cu ta cu poco San Tomas ciego tini. Pa motibo cu hustamente danki na e ministro problematico aki e districto di Noord realmente ta bay haña a corto plaso no uno, pero dos scol secundario esta un MAVO y un MAVO/ HAVO. Durante e ultimo 2 aña y mey mas cu mitar di e scolnan sea preparatorio, basico of secundario riba e pida baranca aki a conose nan renobashon meresi despues di un decada di ta den olvido, y ta riba e velocidad aki tur scol lo wordo manteni bou maneho di e ministro problematico. Despues di un decada di promesa di un gabinete dorna pa ministronan galardona na multiple ocasion sea como man/ woman of the year, ta e minister problematico a duna San Nicolas su HAVO/VWO y mas aun hasie un scol publico na unda cu a base di derecho y no a base di miembrecia di elite bo tin admision na e scol aki. Tur esakinan ta demostra cu e ministro problematico aki no ta show y mucho menos ta den kibramento. E unico palabracion cu e ministro problematico aki tin ta cu su persona ta den politica pa duna atenshon na esnan cu di berdad e decada pasa a wordo desprecia, margina y lubida. Su persona no ta den politica pa wordo nombra man of the year y mucho menos pa wordo elogia cada bes cu interes personal di esnan concerni wordo sirbi. Hopi ta kere cu e ministro problematico a drumi durante 2 aña y mey. Pero dia 15 di augustus 2012 e plantashon di 2 aña y mey a cuminsa duna apenas un parti di e cosecha. Esaki a hasi hopi bira nervioso pa motibo si esaki ta e comienso ta con e cosecha completo lo ta pa campaña 2013. Pa finalisa mester conclui mil biaha un ministro problematico na unda scolnan na gran escala ta wordo renoba y manteni compara cu den pasado unda cu scolnan mester a manifesta pa asina algo por pasa. Na lugar di un biaha ministronan cu ta traha pa score punto pa wordo nombra men of the year pa keda na bon den vista di e wowonan personal di esnan concerni. Te na otro ocasion. Nomber y Adres conoci pa redacion .... Comentarionan (5)Mustra/Kita comentarionan ...
E cartera di enseñansa y husticia ta uno hopi pisa. Si nos wak tur esnan cu a carga cu e cartera aki a pasa den hopi diffic*ltad y hopi critica sin misericordia mientras nos sa y nos mes por saca nos conclusion pasobra si tin persona cu mester a mira con pa saca y drecha tur loke a wordo ignora pa hopi aña pero mas pa e ultimo 8 aña ta impossibel drecha den un tempo record. Actualmente nos tin un gobierno cu ta haci tur su esfuerzo pa inverti den nos enseñansa loke pa e ultimo 8 aña nan di e gobierno anterior no a sosode.
,
August 17, 2012
...
Jammer cu skol bunita awor no tin lugar pa mi jui. Traha skol bunita pa jui di stranjero. Biba Aruba.
,
August 18, 2012
...
Jossy Mansur, Partido MEP tanto bao liderasgo di sr. Nel Oduber y esun actual bao di liderasgo di sra. Eveline Wever-Croes, Andin Bikker y den cierto manera algun miembro di AVP cu excepsion di min Dowers cu e wowo di pueblo aki a hanja un cleste di punta pa punta. Lese y corda tur kiko a sali ultimo tempo den noticia.
,
August 18, 2012
...
Duna Cesar loke ta di Cesar. Mi ta critica e 'maneho' debil na husticia di e minister aki, e ex Mansur gate di klasnan modulo pero mester elogia e maneho riba e renovacion di varios skolnan cu tbt tin mas cu un decada di mantencion atrasa. Ban spera cu leraarnan y alumno nan y departamento encarga ta mantene loke nan tin awor p'e no yega back na un estado deplorabel.
,
August 18, 2012
Duna Comentario y/of Comparti riba Social Medi |
Mustra/Kita e formulario di comentario
