| Clyde Harms: I Love Aruba, un imitacion, versus ARUBA, One Happy Island, un original |
 |
 |
| Tuesday, 04 September 2012 07:20 |
Traduci libremente na Papiamento: E promocion di un producto of compania usando propaganda y un diseño distintivo. Pa mi, e palabra clave aki ta distintivo. E meta di “branding” di Aruba mester ta pa distingui Aruba, pa diferencia nos pais di tur otro destino turistico, pa duna e isla un toke excepcional. E logo cu a wordo introduci aña pasa ta manera un brisa fresco cu berdaderamente ta representa Aruba como One Happy Island. Un diseño colorido, alegre, original y lo mas importante, distintivo. Pero kico ta pasando awor? Dilanti di Bestuurskantoor, caminda nos por mustra henter mundo cu nos ta diferente y excepcional, nos tin un otro logo enorme, grandura di un wagon di trein, cu ta uza un rebus pa bisa I Love Aruba. Pa turistanan di cruseronan e ta masha conveniente pa saca potret y tin bes por mira nan para na fila pa nan chens pa saca nan potret dilanti di e curason. Pero hopi turista cu ta keda na e hotelnan tambe ta saca potret dilanti di e logo ora nan bin Playa pa shop of djies keiru. Mi ta imagina mi cu e potretnan aki ta yega tur parti di mundo. E logo I Love Aruba ta obviamente un imitacion di e famoso logo I Love NY, e logo mas imita den historia, segun New York Times. Segun e mes rotativo, e logo a bira un molde pa declaracion di amor pa un multitud di hende, lugar y cos. Por ehempel, I Love Yankees, I Love Jesus, I love Romney, I Love Obama, I Love Denmark, etc., ad nauseam. Por agrega cu esaki ta sosode den tur idioma. E logo a wordo usa gratuitamente pa dies aña prome cu e estado di New York a obtene un copyright pe. Te hasta Andy Rooney q.e.p.d., e defunto expresentado di e famoso programa “60 Minutes” di CBS, a haci bofon di e uzo excesivo di e logo aki. Usando e logo aki, Aruba ta bira uno mas di e miles di “copy cat”, un copiado di idea, un imitado di otro. Nada original. Nada excepcional. Sin duda algun, e I Love NY logo ta impresionante, sino e lo no a wordo copia asina tanto tur parti di mundo. Ami ta desea e promotornan local di e logo aki hopi benta. Pero pa Aruba su meta di “branding” como un destinacion turistico excepcional, e uzo di un copia di un logo mas di cuarenta aña bieu no tin sentido. Te hasta e doño di e logo, New York State, a pon’e un banda pa su campaña di propaganda turistico mas recien! Si nos kier imita, laga nos imita Gobernador Cuomo di New York. Lago nos pone e logo I Love Aruba un banda y concentra riba e logo nobo. Pa cuminsa, laga nos reemplasa e logo dilanti Bestuurskantoor, un imitacion, cu esun di ARUBA One Happy Island, un original genuino.
Comentarionan (23)Mustra/Kita comentarionan ...
porfinnnnnnnn un hende a durf di publica un relato pa habri e wowo nan di tur hende cu ta sinti nan mes masha proud di e logo i love aruba siendo cu ta copia e ta....!
,
September 04, 2012
...
Bo tin tur razon. Nan a bin cu jen di fanfaria y pone na Airport, Riba Avion etc. y pueblo a guste y no guste. pero toch e Aruba "One Happy Island" ta keda dino y unico cu ta distingi nos. E logo di I LOVE ARUBA ta djis un advertisement stunt cu e donjo di I LOVE ARUBA a probecha di nos pueblo y di gobierno, Bo wake bon I LOVE ARUBA den un forma ta promote su MAGAZINE unda e persona ki ta bende advertisement den dje y ta gana di dje. bo no por bisa cu en ta judando su mes pa mas benta di su magazine pasobra Turista, comerciante ta mira e I LOVE ARUBA grandi tur caminda y di algun forma nan ta end up asocie na e Revista di e persona ki. E ta hopi sabi di dje. Pero mi ta agree completamente cu nos mester keda cu nos logo or slogan, e ta unico y alavez nos ta duna algo bek na comunidad y no na un otro compania cu ta priva cu at the end ta ganando di tur e FREE advertisment ki cu e I LOVE ARUBA ta dunando su Magazine.
,
September 04, 2012
...
Mi no ta mira pakiko mester cambia esaki pasobra un persona kier, mira con popular e sign aki ta birando y gusta tanto pa local nan y turista nan. Pakiko ora algo ta bon mester core cambia esaki pasobra nos tin cu bay busca y coba detayes nan. Shon-nan por fabor e logo/sign aki ta logrando su meta y ta te hasta mas gusta cu Aruba One Happy Island.
,
September 04, 2012
...
E pregunta ta keda dicon Mike Eman y Otmar Oduber no ta promove nan mesun Logo. Dicon nan Mike ta sali saka potret Cu "I love Aruba" y nunca e ta ni mentiona of stimula e producto Aruba. Unda nan a keda? Y tanto plaka cu a wordo paga pa e desenio y e no ta wordo promovi pa nos mesun gobierno!!!
,
September 04, 2012
...
E logo di "Aruba One Happy" Island tampoco ta destinctivo. E ta e mesun estilo cu e logo di Ebay, ta e colornan y uzo di lettertype ta diferente. So, what's really the problem here?
,
September 04, 2012
...
E supuesto 'designer' si tin balls pa bisa cu pa anjanan largo nan a traha riba e logo aki.
 . Sigur e tbt den coma foi momento cu e nace pasobra e pober no sa cu e 'design' aki tin 60 2 anja caba . Esaki ta e gran artistanan di Aruba, 'djis primi copy-paste'. Esunan cu awor ta bay critica mi comentario sigur tin e mesun 'don artistico' manera fulanito leu-jouer! Bin bij idiots, don't claim sth that's not yours, e termino huridico ta PLAGIO!
,
September 04, 2012
...
Tur loke senor Harms a scibie ta berdad. Ta great cu un compania hoben ta tuma inicitiativa y kier hasi algo grandi pa Aruba. Pero en berdad Aruba tin su mes un logo fresco fresco, colorido y bunita cu casi no ta wordo usa mes. I Love Aruba definitivamente no ta original, y un banda ta poco ridic*lo cu nos ta asina excita y cu e copia aki ta wordi usa mas hopi cu e logo y slogan original di Aruba. Mi ta pensa cu esaki ta mustra cu nos hendenan ta poco orginal y tin poco creatividad. Pa colmo pa pone esaki dilanti bestuurskantoor y awo uno na Village na Boulevard? Tur dos ta mucho serca di otro. Kiko na San Nicolaas no tin un lugar apto pa esaki??? Falta cu nan ta bai pone un den caya grandi tambe of un na e lighthouse!!!!
,
September 04, 2012
...
stranjo cu mi no ta waak reaccionan di mi coleganan di hotel. Nan comentarionan no tbt niun palabra malo sino palabranan di berdad so. Mr. McMahon I don't see your English post either, but this is Aruba: One News censored Island!
,
September 04, 2012
...
Mi ta full di acuerdo cu sr. Harms. Nos mester ta mas orginal, sino nos lo ta behoort na un bunch.
,
September 04, 2012
...
Semper mi sa apresia Clyde su opinion, bo honestidad tin biaha no ta cai den bon tera pa sierto hende!!, mas semper nos mester acepta critica constructibo pa nos mehora! si nos kier stand out nos mester ta mas original!
,
September 04, 2012
...
Prome cu i love aruba qua partic*lar nan twt hasi asina hopi pa Aruba? Tur hende ta papai, i love aruba a hasi. + I love Aruba ta hasiendo un tremendo trabow i pakiko mr Harms ta bisa "versus" esaki no ta un boxing match. I love Aruba a bin cu idea nan original mane e statua(antes bestuurskantoor twt bashi i keto), i awo cu nan ta un succes, i love aruba tin cu hala den banda? Awo nan ta hasi un master trabow i TOCH algo no ta bon? Aruba, is one happy Island AND I Love Aruba. Nos mester wak I Love Aruba como amigo di Aruba one happy island, tur 2 ta saca nomber di Aruba positivo.
,
September 05, 2012
...
Prome cu i love aruba qua partic*lar nan twt hasi asina hopi pa Aruba? Tur hende ta papai, i love aruba a hasi. + I love Aruba ta hasiendo un tremendo trabow i pakiko mr Harms ta bisa "versus" esaki no ta un boxing match. I love Aruba a bin cu idea nan original mane e staua(antes bestuurskantoor twt bashi i keto), i awo cu nan ta un succes, i love aruba tin cu hala den banda?. Na final di dia hende ta critica i nan mes a hasi nada pa 60 ana. Aruba, is one happy Island AND I Love Aruba. Make room for the next generation.
,
September 05, 2012
...
What are these guys smoking? or perhaps they have mental issues? According to their interview, they've worked on this for years? really? You must be an ass and a half that it takes you years to 'copy-paste' something that has been on the market for 64 years. Others call their department IBISA so it sounds like pleasure island IBIZA, then others need a street car to imitate Holland, San Fracisco or perhaps Sao Paulo and then others congest the Island with high buildings calling them hotels and condos so it looks a bit like downtown Miami or maybe Rotterdam? and giving us tourists the sense that we never left home or perhaps are experiencing bad copies of our on place or other places and depriving us from having an authentic Aruban experience. Aruba, get real!
,
September 06, 2012
...
Nos sa cu nos ta un Pueblo cu short memory y pa refresca boso memoria mi kier corda bosonan tocante e fiesta den Caya net band'i Aruba Bank unda nos a ricibi cu man habri nos logo nobo pa BRAND Aruba rond mundo, Un logo cu nos placa di belasting a paga pero cu awor a wordo trapa door un paar di smart asses cu blessing di un capitan sin timon.
Shonan, si nos a pone e logo di Aruba cu su lema di One Happy Island dilanti di bestuurskantoor y n'e lugar aki riba, MESUN cantidad di turista of hasta mas (pasobra e ta UNICO) lo a tuma portret na cantidad. esaki ta un prueba contundente con bruha e maneho aki ta. Contento cu Aruba certified travel agents ta bisa :'this is crazy' and 'this is not unique!'., por lo menos tin hende sensato ainda.
,
September 06, 2012
...
asina hopi fanfaria, asina hopi huradonan, asina hopi placa benta afor pa yega na nos Aruba branding image actual "I loved a Happy Island".
,
September 06, 2012
...
Check e Aruba Logo i check e logo di Ebay! Ha ha Mesun copia! Awo falta pa nan tambe buta un sign!
,
September 07, 2012
...
Arubiano den guerra contra Arubiano........Nos so por! Beguensa! Laga ta un hende di afor a bin cune....Asina nos kier convence nos yuinan cu ta afo studiando pa bini bek i inverti nan plaka i tempo na Aruba? Miho nan keda afo i juda un otro pais cu si ta dunanan e sosten! Mi papia cu varios hande di afo cu ta asombra con nos ta trata nos mesun yuinan...foei!
,
September 07, 2012
...
Miles di turista ta saka portret aki nan.......Boso tin razon.. Kita e sign......kite ....kita e sign.... e ta copia...e sign mo ta yuda Aruba cu nada....e ta un berguensa pa nos tur......kite... kita e sign.......pone esun di Aruba mes....esun cu ta copia for di e logo di Ebay....esei ta hopi mas zuiver.....Ja i idea di buta e sign, no worry ken a bini cune e logo di Aruba tambe lo haya un sign....esei si nos no lo jama copy....nos lo jame better timing.....Pa nos turripara cu hasta hende cu inteligencia di bao di baranca tin computer ta pone comentario.. ha ha
,
September 07, 2012
Duna Comentario y/of Comparti riba Social Medi |
ISLAND 
Mustra/Kita e formulario di comentario
