| Wowo di Pueblo: Urirama: E ironia di ta inconstitentemente consistente |
 |
 |
| Friday, 07 September 2012 08:40 |
|
Cua por ta e motivacion tras di e inconsistencia aki? E por ta uno ambientalista? E por ta real-estate? E por ta salud? Y, e por ta politica? Of e por ta simplemente un cuestion di status economico di e dos diferente barionan? E Señora hopi sabi Kico cu e ta, e inconsistencia entre e dos barionan no ta e unico cu tin. Algun dia atras por a tende un señora liga cu un Kai banda di pazuid di Aruba, demostra su oposicion pa cu e proyecto di Urirama. Un Kai ta un di e cantidad di e islanan (limita) cu tin na Aruba su costa. E isla aki, tabata tin un poblacion substancial parhanan cu tabata uza e Kai como proteccion pa nan neishinan. Tambe tabata tin otro animalnan protegi pa e posicion remoto di e isla. Awe e isla ta un fuente di entrada masha lucrativo mes pa e señora aki y su famia. Pero no tin Bubi mas! Cu e proyecto riba e isla aki a caba cu parha, Yuwana y turtuganan for di riba e isla aparentemente no ta un problema pa e Señora cu, por cierto, ta hopi sabi. Di otro banda, e tin hopi problema cu e molinanan di biento lo por ta un problema pa e parhanan banda di panort di Aruba. Por ta e parhanan banda di panort di mas bunita of tin mas balor cu e parhanan banda di pazuid di Aruba? E inconsistencia aki ta zona straño, pero un ambientalista lo cataloga e opinion di e Señora aki como: inconsistente. E Señora cu di berdad no tin berguensa Banda di e señora tin un ex-minister para cu ta papia di con e molinanan por afecta e.o. salud di un y tur rond di e proyecto. Den documentacionnan ningun caminda por haya un prueba serio y sosteni pa mundo di medico. Loke e molinanan ta emiti no ta mucho diferente di loke e lama panort di Aruba ta emiti naturalmente. Pero e inconsistencia ta cuminsa aki. E mesun ex-minister aki ta doño of parti doño di un compania cu ta instala cell-sites tur rond di Aruba. E antenanan, di e ex-minister aki, ta transmiti y emiti frecuencianan similar na loke un micorwave-oven ta emiti. Awo, nos tur tin e sabiduria di no para dilanti di un microwave-oven ora e ta cendi. Aunke cu e antenanan, por ta, ta hopi leu, e radiacion ta constante: 24/7.Tin mucho mas evidencia cu e microwavenan aki ta dañino pa salud di hende cu e zonido cu un molina lo por produci (ni esey ta mucho duidelijk, si bo bay para 100 meter for e molinanan di Vader Piet). Mi ta sigur, cu mayoria di hende no ta obheciona na e antenanan di e ex-Minister, pero esey ta consistencia. E opinion un poco straño di e ex-Mininster, specialmente biniendo for di un skina comercial cu ta gana placa riba posibel peligro di salud di miles y miles di hende na Aruba. Si bo ta un hende cu sa algo di medicina of fisica (natuurkunde), bo por cataloga loke e ex-minister a papia como inconsistente, sin algun duda. Relaciona cu Urirama, for di boca di e dos personanan aki tin masha hopi inconsistencia! Pero tin unicamente un consistencia entre nan: status economico. Ken ta rico y ken no! E señora, cu por haci y deshaci cu un parti di nos naturalesa (banda pazuid) sin algun berguensa, awo kier bin duna e resto di nos pueblo un les riba ambientalismo, pasobra e ta hopi sabi. E kier corda nos cu e molinanan por ta un problema pa parha. Algo cu, despues di a lesa exhaustivamente e rapportnan relaciona cu e proyectonan di Urirama y Vader Piet, no por a haya evidencia p'e. Pero e ta lubida di splica nos pueblo, con e la core cu (of mata?) tur e Bubinan cu tabata biba riba e Kai, cu awe ta un "Cash Cow" y varios di su siguiente generacionnan. Pero, for di su punto di bista, e mag di duna les di kico ta bon y kico ta malo pa e resto di pueblo. E resto di pueblo, mester compronde! Pasobra e ta rico! E tin placa! Cu e ex-minister, e situacion no ta mucho diferente. Cu tin mucho mas evidencia di con malo "microwaves" ta pa salud di hende, ningun hende por discuti. Loke si nos por ta sigur di dje ta, cu zonido di molinanan, cu ta menos intenso cu e zonido cu e lama panort di Aruba ta produci, no ta dañino pa salud. Of, pa ta un poco mas consistente: Ningun hende tin ningun, pero ningun prueba contundente cu ZONIDO ta malo pa salud di hende. Loke si ta un hecho, ta cu Señora "Isla", tin mucho mas status cu mayoria di nos. E tin mucho mas placa cu mayoria di nos. Pa loke ta e bisiñanan di molinanan di Vader Piet, nan ta mas similar na e status modal economico di resto di Aruba. Ni Señora "Isla" y tampoco Señor "Antena", a lanta of lo a "ever" lanta para pa nan. Esta un ironia! Comentarionan (4)Mustra/Kita comentarionan ...
@pueblo den cierto cos bo tin razon si bo bai den e estilo ditjes en datjes ok?Si bo bai den e respect pa e Pais Aruba y su tradicion bo ta menos realistico/Nos tin di respecta pa e hende nan cu ta biba eibanda y pa stop e molina nan aki na Hullanda caminda cu nan ta wordo traha TA VERBODEN...dicon Aruba mester semper tuma cosnan cu no ta produci algo bon ?Mira Lago ta un ehempel eibanda ta horribel ken ta responsabel Y toch ela sigi cu su dioxide,holor nan di azufre cu ta un stikstof y poison?E asunto di asbest tambe ta algo publico y ta merece attencion.E cosnan personal ta otro cuenta ta abo mes ta responsabel si bo kier tin un cellurar,huma sigaria,come hopi salu,bebe alcohol ect...mi ta kere cu ami tabata duidelijk,mi no a un politico pero mi kier mi Pais limpi y bon dirigi/Nos mester tin mas durf di bisa si of no >pero e potiencia di politico ta mas sterki te hasta nan por perhudicabo ,casi un dictadura syle..OK God Bless U...
,
September 07, 2012
...
Hopi bon artuc*lo. Sra sigi grita na tv manera alma malo, ta bo so tin razon.
,
September 07, 2012
...
A nos na Aruba ta lubida di ki mundo majoria di nos turista ta bin. Cuidad nan grandi mane Miami, NY i Boston. Un cos cu nan kier wak kinan ta naturalesa. Ki dia ma tende un senora keha caba paso nan ta traha jen negoshi nobo na aruba rosa yen kadushi. Urirama hopi turista tin kritika tambe. I Malmberg tin razon. si supuestamente ta bai explora gas caba pa ki garagho ta bai pone windmolen cu no ta baha e coriente ni un tiki. I mailmberg su Isla alomenos ta trese turista na Aruba cu ta gasta cen !!. E windmolen nan no ta baha corientetey pa danja naturalesa so. Lo no sorpresami nada cu gobierno lo ta ganjando nos atrobe cu ta bai explora gas pasobra riba 24ora.com di 2009 caba a sali artic*lo cu supuestamente gobierno i petro china ta serca di deal, wak nos awor 500 hende na kas. Personalmente ami ta hanja e windmolen nan horibel !
,
September 07, 2012
Duna Comentario y/of Comparti riba Social Medi |
Mustra/Kita e formulario di comentario
Aruba tin 110,000 hende registra, di e 110,000 hende nan aki 850 hende ta contra, awo 109,150 hende mester dobla pa e hende nan ki di SAVE Alto vista??? Kiko ta e berdadero interes pa stop e projecto ki?? Realstate???