Wednesday, 23 April 2014
Wowo di Pueblo: Berdad cu poste di Cell Sites pa cellular ta duna hende Cancer Print E-mail
Sunday, 10 February 2013 10:43
cellsite
Señor Redactor, Cu bo permiso mi kier a vocifera mi opinion como parti di e pueblo aki kiko mi ta pensa ariba e discusion den parlamento encuanto di e molinanan di biento cu mester bin den vecindario di Urirama. Mi no ta comprende te ainda pakiko tabata tin tur e discusion si nos mira e contenido real di e problema.
Ami a tende cu nan ta diferente pasobra prome tabata ser bisa cu ta un grupo ta bai bira miyonario cu e proyecto aki, despues bo ta tende ta pa motibo di medio ambiente y naturalesa y despues Alto Vista su kapel, despues e balor di cas di e habitante ta baha y por ultimo pa motibo di salud. Awor al final parlamento a aproba esaki y kiko awor??. Locual mi kier vocifera ta lo siguiente, aki na Aruba nos parlamentarionan mester stop di crea " SENSACION " pornada pasobra si nos observa e funcionamento di nos parlamentario(nan) durante ehecucion di nan trabao den Staten mi mester bisa cu e ta laga hopi di desea, pakiko??. Si nos analisa e synopsis ariba e debate encuanto di e molinanan di biento, esaki no tabata tin ningun sorto di contenido real si enberdad e molinanan mester bai Urirama si of no of si nan tabata un problema di berdad,pa no bisa si esaki ta hustifica pa bai wordo poni na e sitio aki, pasobra di esun nan tur cu mi a tende specialmente parlamentario(nan)den oposicion nan no a logra convence mi pakiko na " Urirama " no ta un lugar adecuado pa pone e molinanan di biento, dus pakiko e no ta un lugar adecuado y basa ariba e contesta cu a wordo duna door di e parlamentario(nan) den oposicion e ta simplemente NO convincente. Pa esnan tambe den coalicion esta e parlamentarionan mi ta hanja cu pa djis aplica e rol di ta faboritismo na bo gobierno y bai contra tur punto di bista di esnan den oposicion, tampoco ta hasibo un bon parlamentario pasobra esey tur hende por, y esey ta mustra cu bo no ta domina bo materia bon como cu bon parlamentario tambe.

Bo mester por analisa e materia profundamente cu ta wordo trata durante un reunion publico y bin cu bo puntonan bon argumenta y alcaso. Pero cambiando un rato laga nos bai pa locual ta salud di nos pueblo y despues biniendo bek ariba e molinanan di biento y salud di hende. Si nos para keto un rato como cuidadano di e pais aki, y analisa ariba e parti di nos salud ta cuanto cos ta destruyendo nos salud ta algo di spanta. Ora tur hende ta pleita cu si mester bin molina di biento si of no na Urirama, di otro un banda nos ta wak un cantidad grandi di hende awendia tin cancer y niun specialista of docter no kier bisa e pashent e berdad, awel shonnan nos tin un problema serio ariba e pais aki. Nos tur sa cu pa basta tempo caba, cu durante e gobierno anterior a laga instala molinanan di biento na Vader Piet y ningun musca e tempo ey tabata bula y tampoco no a papia ariba e efecto di salud. Pero si for di basta anja caba na diferente parti na Aruba nos tur ta wak e famoso padestoelnan asina yama CEL SITES cu ta e poste di luz larga den bo bario cu ta trasmiti e frecuencia ariba micro-onda sumamente halto pa e transmision di e uso di cellular mas mihor di un compania di negoshi cellular cu nos tur conoce aki na Aruba ariba custidia full un poblacion pa no bisa e pueblo completo di Aruba esaki ta ser transmiti anto sin sa kiko su efecto ariba nos salud y di nos habitantenan. Hopi biaha bo ta core den bo auto y bo ta pasa banda di e poste di e  CEL SITES  nan aki anto, bo no sa mes ki efectonan esaki tin pa bo salud. For di baby te cu hendenan grandi cu ta biba banda di un CEL SITE boso nan sa ki efecto esaki tin pa boso salud????. Pesey hopi biaha mi no ta compronde nos parlamentarionan cu tin e trabao legislativo no ta consecuente ariba nan topico y ta solamente busca pa ta " Sensacionalista " y buscando popularidad solamente, pero como un parlamentario cu contenido esaki ta resalta masha pober mes ora nos ta papia di calidad. Bo por ta profesional ariba bo tereno cu bo a studia, pero esey no kiermen cu abo sa tur cos den e mundo aki si nos wak caba foutnan cu a wordo cometi den pasado y cu manipulacion di palabra ta na orden di dia tur dia. Ta di spera di e mesun Parlamentarionan nan aki cu pa siman nan largo a discuti ferosmente ariba e proyecto di molinanan di biento na " Urirama " y cu tabata preocupa pa e salud di e habitantenan di Urirama pa asina bin tambe awor cu e voorstel pa yama un reunion publico ariba e CEL SITES  pa cellular si esaki ta malo pa salud di nos hendenan y kiko tin di berdad cu e CEL SITES nan ta dunando diferente tipo di CANCER na habitantenan di Aruba. Pueblo kier pa Parlamentarionan di PDR,AVP,MEP, INDEPENDIENTEnan y yama cu un reunion publico encuanto di e CEL SITES y e efecto ariba salud di nos hendenan aki na Aruba y pa despues bin cu leynan y sancion contra companianan cu a introdusi esaki cu posiblemente efecto negativo ariba nos salud. 
 
 
Te na un proximo biaha.
 
 
Nomber y Adres conoci.
Comentarionan (6)Add Comment
E.E
February 11, 2013
201.229.37.219
Votes: +0
...

No tin motibo pa profundisa di e tanto ey, e molinanan ta bai danja e vista di full e barrio,especialmente e kapel.

Shabby V
February 10, 2013
201.229.19.248
Votes: +3
...

Mi no ta bisa cu posrte di cell site ta duna canser pero na papilon tin un. y basta hende tin cancer te tin cu a fallece kaba .

Crudo
February 10, 2013
201.229.124.188
Votes: +0
...

Tur e cosnan aki di electronic/EMF ect...ta hopi tempo conoci ta solamente aki na Aruba nan ta tene nos bobo,y nan ta hungando un roll sabi y sin responsabelidad.Nos politica ta hopi zwak y sin contenido real.

Jeffrey Tromp
February 10, 2013
83.81.64.41
Votes: +11
...

world health organisation (who)a atmiti cu wireles aparato por causa dano riba bo salud.Electronic magnetic fields [EMF] por haci bo dano na un frecuencia 0--300Ghz, wifi ta den e range di radiofercuencia (RF).Asta wak demasiado television tin efecto riba sperma di hende homber,cual por causa cu bo por haya yui hendicap i tambe nos cuminda cu nos ta come ta jen di consevativo of hormon i antibiotica i por duna nos cancer,huma sigaria,aspartam, microwave cu nos ta huza den cas, panchi nan di teflon of aluminium, i asta onderzoek di MRI.Cuanto aparato nos ta huza den nos cas so cu ta malo pa nos i medio ambiente.Nos a bira dependiente di tur e aparato nan aki, nos mester ta consiente con nos ta huza e aparato nan aki,7 billion di hende ta comparti e mundo aki sin conta e animal nan. Mi ta kere cu e molina di biento ta hopi mas saludabel cu energia fossil.

Scorpion Lady
February 10, 2013
201.229.8.119
Votes: +0
...

Mira cuanto hende ta muri di cancer aki na Aruba, mi ta kere ta un plantacion di e mata di Moringa nos mester bay c*ltiva pa scapa bida di hende. Tin hende ta gewoon hunga politica cu e cos aki, keriendo cu e pueblo aki ta kens. Si e ta algo bon pa Aruba y tin estudio cu esaki no ta traha ariba salud di hende, mi lo bisa: Dal bay cu mulinanan di biento. Tur cos ta bira un custumber.

Spanta pato
February 10, 2013
174.91.110.186
Votes: +3
...

Esaki ta un puro papiamento skirbi pa un lenguista cu sa bon papiamento, Bon haci mi shon. Ta poder e oposision kier. nan sa cu ta anya di eleccion nan kier haci propaganda pa nan mes pa gana voto. Pero na a faya cun na belanan di haci bruha.E persona aki su comtario ta diplomatico pero e a duna nan un bon lastra na manera masha fini mes. Mi kier weita mas comentario asina. Sigui cu e bon trabau pa splica nos pueblo con cos ta.No laga e oposicion tranca futuro di nos pais solamente pa nan hanya poder y despues sink Aruba.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter